Saraiki Area Study Centre, BZU - Multan

First Saraiki Adabi Award پہلا سرائیکی ادبی ایوارڈ

سرائیکی وسیب دے شاعراں تے ادیباں کیتے پہلی واری ,,سرائیکی ادبی ایوارڈ ,,دا اجرا کر ڈتا گئے 

ایں سلسلے دا پہلا ادبی ایوارڈ ڈیونڑ کیتے ہک بہوں ای شاندار تقریب اج سرائیکی ایریا سٹڈی سنٹر دے اہتمام نال منعقد کیتی گئی ,جیندے وچ ,سرائیکی ادبی ای  اعلان کرنڑ آلی مہاندری شخصیت دی طرفوں ,,ہک لکھ روپے ,,دی ادبی ایوارڈ دی انعامی رقم والا  ایوارڈ ,سرائیکی وسیب دے مہاندرے شاعر تے قوم دے وڈے سوجھوان ,,سئیں عاشق بزدار کوں ,وائس چانسلر بہاالدین زکریا یونیورسٹی ,,سئیں ڈاکٹر طارق انصاری دے ہتھوں دان کیتا گیا ,

تقریب دی شروعات کلام پاک دی تلاوت تے نعت شریف دے نال تھئی , 

تقریب وچ سٹیج سیکریٹری دی ذمہ داری ,پاکستان دی پہلی سرائیکی وچ پی ایچ ڈی کرنڑ والی تریمت , تے شعبہ سرائیکی دی اسےاستاد 

ڈاکٹر نسیم اختر نے نبھائی , تقریب وچ ,معروف گلوکار فہیم ساجد نے وائس چانسلر دی فرمائش دے خواجہ غلام فرید دا کلام گا کے محفل دے شرکا کوں چس کراڈتی 

معروف شاعر جہانگیر مخلص نے آپنڑاں سوہنڑاں  کلام سنڑایا , تقریب دے آہری تے پردھانڑ سرائیکی  ایریا ریسرچ سٹڈی سنٹر دے ڈائریکٹر ڈاکٹر ممتاز کلیانی ہوراں ہن 

صدارت وائس چانسلر ڈاکٹر طارق انصاری نے کیتی جاں جو ,,سئیں عاشق بزدار  ,, کوں ,,پہلا سرائیکی ادبی ایوارڈ,,, دان کرنڑ بعد ڈاکٹر ممتاز خان کلیانی , ڈاکٹر خالداقبال, پروفیسر اکرم میرانی , ڈاکٹر طارق انصاری, ڈاکٹر محمد شفقت اللہ , تے رانا محبوب نے شرکا نال گالہہ مہاڑ کیتی ,ایں دوران وچ واری واری مہماناں کوں شعبہ سرائیکی دی طرفوں ,,سرائیکی اجرک تے شیلڈ ,,دا تحفہ وی ڈتا گیا , تقریب دے چھیکڑ وچ ,,سئیں عاشق بزدار ,,نے حاضرین کو اپنڑاں کلام سنڑایا تے اپنڑیں ادبی پندھ بارے جنڑوایا , جاں جو رانا محبوب نے اعلان کیتا جو او ہر سال ہک سرائیکی ادیب یا شاعر کوں اے ,,سرائیکی ادبی ایوارڈ,,, دان کریندے رہسن تے اے راند انہاں دی حیاتی بعد وی انہاں دے پتراں دے ہتھوں جاری راہسی تے نال ای ایندی انعامی مالیت کوں ,,ہک لکھ ,,روپے کنوں ودھایا ویسی , تقریب دے شرکا ایں چار گھنٹے تئیں جاری رہونڑ والی تقریب دے چھیکڑ تونڑیں تقریب دی رونڑق بنڑئیے رہ گئے , تقریب دی سوہنڑیں سونیّ کوریج کیتی  گئی تے چاہ پانڑیں دا انتظام وی کیتا گیا , ایں تقریب دا کریڈٹ مہاندرے ادیب تے دانشور رانا محبوب دی عظیم ادب سنبھالی کاوش تے سرائیکی ایریا ریسرچ تے سٹڈی  سنٹر دے ڈائریکٹر ڈاکٹر ممتاز کلیانی تے سرائیکی شعبہ دے آہری استاداں دوں ویندے جنہاں ایں تقریب کوں کامیاب بنڑایا 

Contact us

Image Description

Dr. Muhammad Mumtaz Khan Kalyani

Professor

Director (Saraiki Area Centre) M.A (BZU), LLB, Ph.D Urdu (BZU) HEC Approved Supervisor

  • mumtazkalyani@gmail.com

Related News